Draumasmiðjan hefur sett upp að meðaltali eina döffsýningu á ári á atvinnugrundvelli en á neðantöldum lista eru þó viðburðir og sýningar sem settar voru upp með áhugaleikfólki en það er liður Draumasmiðjunnar í uppbyggingu döffleikhússins svo þær eru taldar með.

2000 var fyrsta döffleikritið sett upp en það var barna og fjölskyldusýningin „Ég Sé“ sem var sýnd í Möguleikhúsinu inn á árið 20, síðar sama ár tók Draumasmiðjan að sér að setja upp sýningu í tengslum við döff ungmennaskipti UK og Íslands með 25 döff ungmennum í Möguleikhúsinu.

2002 ferðaðist Draumasmiðjan með „Ég sé“ til Austurríkis á döff leiklistarhátíð.

2003 Setti Draumasmiðjan upp farandssýninguna „Trúðar“ sú sýning fór á m.a. í heimsókn í allnokkra leikskóla á stór Reykjavíkursvæðinu.  Sama ár ferðaðist Draumasmijan með sýninguna „Trúðar“ á döff leiklistarhátíð í Austurríki.

2004 Tók Draumasmiðjan þátt í alþjóðlegri uppsetningu á leikritinu „Cornet Rilke“ á döff leiklistarhátið í Austurríki.

2005 endurtók Draumasmiðjan þáttöku sína í „Cornet Rilke“ í Austurríki.

2006 Setti Draumasmiðjan upp „Viðtalið“ döff sýningu fyrir fullorðna sem sýnt var í Hafnarfjarðarleikhúsinu við glimrandi aðsókn.  Draumasmiðjan setti einnig upp fyrstu alþjóðlegu döff leiklistarhátiðina þetta ár á Akureyri með þáttöku fjöldra döffleikhúsa viðsvegar að.

2007 Hafði Draumasmiðjan yfirumsjón með og leikstýrði „Ljóðaprógrammið“ sem sýnt var í Félagi heyrnarlausra.

2008 Setti Draumasmiðjan upp tilraunasýninguna Óþelló, Desdemóna og Jagó í Borgarleikhúsinu. Síðar sama ár stóð Draumasmiðjan fyrir döff handritakeppni og leikritið „Hvar er (K)Lárus“ sem vann keppnina var svo sýnt í Kópavogsleikhúsinu.

2009  Fór Draumasmiðjan á vegum Þróunnarsamvinnustofnunnar til Namibíu og byggði upp döffleikhús þar afrakstur ferðarinnar urðu tvær sýningar „The Clowns“ og „Deaf Stories“ sem báðar voru sýndar í Þjóðleikhúsi Namibíu. Eftir Namibíuferðina setti Draumasmiðjan upp leikritið „Lostin“ í Þjóðleikhúsinu á Íslandi og stóð fyrir sinni annari alþjóðlegu döff leiklistarhátíð. Í lok ársins setti Draumasmiðjan svo upp jólasýninguna „Jólaboð Tinnu Táknmálsálfs“ í Félagi heyrnarlausra.

2010 Setti Draumasmiðjan upp sýninguna „Borð fyrir tvo“ í tilefni 50 ára afmælis Félags heyrnarlausra sem sýnd var á Café Solon.

2011 Var sýningin „Lostin“ endursýnd í Tjarnarbiói auk þess sem Draumasmiðjan tók að sér verkefnið „Táknmálstónleikagjörningur“ í tilefni 100 ára afmælis Háskóla Íslands. Draumasmiðjan var svo líka með leiklistarkennslu á norrænu unglingamóti sem haldið var á Íslandi þetta sumar.

2012 Byrjaði Draumasmiðjan undirbúningsvinnu með ferðalögum vegna NADYTA verkefnisins. Sýning á NADYTA sýningunni er áætluð 2013. Auk þess sem handritaskrif er unnin að leikritinu „Elskuleg móðir okkar“.

 

 

 

Draumasmiðjan hlaut undirbúningsstyrk fyrir undirbúning að sameginlegri sýningu ungs döff fólks á Norður Atlantshafssvæðinu. Undirbúningur verkefnisins hefst núna 15. desember og lýkur 15. júní.

 

 

Lostin var sýnt í Tjarnarbíói 31. nóvember og 1. desember við frábærar undirtektir áhorfenda.
Eftir áramót verður hægt að panta sýninguna hjá Draumasmiðjunni á netfangið draumasmidjan hjá draumasmidjan.is

Feluleikur með Stubbunum er kominn út og fæst nú í öllum helstu verslunum.

Draumasmiðjan undirbýr nú unglingastarf innan döff leikhússins þar sem boðið verður upp á leiklistarnámskeið og unnið að sýningum. Þegar hafa nokkrir sýnt þessu starfi áhuga en ennþá er pláss fyrir fleiri. Unglingastarfið er ætlað bæði döff og coda- en það er algjört skilyrði að tala táknmál.

Þeir sem hafa áhuga að bætast við hópinn hafi samband við Elsu á netfangið elsa (at merkið) draumasmidjan.is

 

Ágúst 2009

Kæru Vinir Draumasmiðjunnar

Nú er ágúst hálfnaður og Draumasmiðjan er að vakna eftir sumarfríið.  Okkar fyrsta verk er að koma á fót svo kölluðum Vinir Draumasmiðjunnar, sem er póstlisti fyrir þá sem hafa áhuga á að fá upplýsingar með fréttabréfi í tölvupósti um hvað Draumasmiðjan er að gera og hvað er framundan hjá okkur. Þetta fyrsta fréttbréf er sent út á alla skráða hjá Félagi heyrnarlausra – þannig að ef þú hefur áhuga á að vera „Vinur Draumamiðjunnar“ þá skaltu senda okkur póst til baka (svara / reply  þessu bréfi) og þá bætum við netfanginu þínu á póstlistann okkar. Ef þú sendir okkur ekki til baka þá verður þú ekki á listanum og færð ekki upplýsingar.

Draumum 2009 er nú lokið og tókst hátíðin með eindæmum vel. Sýningar voru vel sóttar og voru áhorfendur almennt afar ánægðir með sýningarnar og hátíðina alla sem slíka. Draumasmiðjan þakkar öllum þeim sem að hátíðinni komu, samstarfsaðilum, styrktaraðilum og sjálfboðaliðum –  því án ykkar hefði þetta ekki verið hægt!

Hafinn er undirbúningur að næstu hátíð sem ráðgert er að hafa árið 2011.  Allar hugmyndir að dagskrá eru vel þegnar á netfangið This e-mail address is being protected from spambots. You need JavaScript enabled to view it . Sjálfboðaliðar eru einnig vel þegnir á hvaða stigi verkefnisins sem er og geta þeir sem hafa áhuga að koma að verkefninu haft samband við Draumasmiðjuna á netfanginu This e-mail address is being protected from spambots. You need JavaScript enabled to view it

Eitt stærsta verkefni Draumasmiðjunnar fyrir næsta ár er að fara á fund Katrínar menntamálaráðherra og kynna henni þá hugmynd að Draumasmiðjan fái föst fjárlög til að geta starfað í samvinnu við Þjóðleikhúsið. Þjóðleikhússtjóri, Tinna Gunnlaugsdóttir, hefur lýst því yfir að hún vilji gjarnan hafa Draumasmiðjuna með 1 sýningu á ári hjá Þjóðleikhúsinu. Draumasmiðjan er búin að sækja um viðtal hjá ráðherra en sennilega kemur ekki að okkur fyrr en í október.  

Draumasmiðjan hefur ákveðið að hefja unglingastarf fyrir döff innan leikhússins (aldur 13 – 18 ára). Unglingastarfið fæli meðal annars í sér leiklistarþjálfun og fræðslu um leikhúsmenningu. Í athugun er að koma á erlendu samstarfi í framtíðinni sem fæli í sér ferðalög erlendis. Áhugasamir vinsamlegast hafið samband á This e-mail address is being protected from spambots. You need JavaScript enabled to view it – coda börn velkomin líka en táknmálskunnátta skilyrði.

Kær kveðja,
Ykkar vinur

DRAUMASMIÐJAN